საქართველოს პრეზიდენტს, სალომე ზურაბიშვილს არ აქვს და არც ჰქონია TikTok-ის ანგარიში, - ამის შესახებ ინფორმაციას პრეზიდენტის პრესსამსახური ავრცელებს.
მათივე ცნობით, გავრცელებული ინფორმაცია ყალბია.
,,ინფორმაცია პრეზიდენტის TikTok-ზე დარეგისტრირებისა და ამ გვერდის შინაარსის შესახებ ყალბია!", - აცხადებენ პრესსამსახურში.
ინფორმაცია იმის შესახებ, რომ ,,პრეზიდენტი TikTok-ზე გამოჩნდა", რამდენიმე მედიასაშუალებამ, მათ შორის report.ge-მაც გაავრცელა.
ცნობისთვის, TikTok-ზე პრეზიდენტის სახელითა და გვარით რეგისტრირებულ ყალბ ანგარიშზე ატვირთულია პრეზიდენტის ვიდეო, რომლის საშუალებითაც ის საზოგადოებას დაბადების დღის მილოცვისათვის მადლობას უხდის.
