"ისევ ჯოჯოხეთის პირზე ვარ რაღაც ძალა ჩასაჩეხად დამდევს, თმაში ჩაჭიდებული", - ამის შესახებ თავდაცვის ყოფილი მინისტრი თინა ხიდაშელი სოციალურ ქსელში წერს.
კორონავირუსით ინფიცირებული თინა ხიდაშელი წერს, რომ მისთვის ყოველი ღამე წინაზე საშინელია და ყოველი დღე წინაზე მძიმე.
"დიდი მადლობა ყველას. ყოველ დილით იმედით ვახელ თვალს მოვიწერო გადავიარე. მაგრამ ჯერ არ გამოდის. ისევ ჯოჯოხეთის პირზე ვარ რაღაც ძალა ჩასაჩეხად დამდევს, თმაში ჩაჭიდებული.ყოველი ძვალი, კუნთი ყველ წაიღო.
ყოველი ღამე წინაზე საშინელია, ყოველი დღე წინაზე მძიმე .
ესაა დათო უკეთაა , დედაც, ბიჭებიც. აქ კალენდარი არ მუშაობს. 10, 12, 14 დღეა უკვე და ჯანგბადი უბრალოდ არ არის. არვიცი საიდან მოვა", - წერს თინა ხიდაშელი
შეგახსენებთ, თავდაცვის ყოფილ მინისტრს, თინა ხიდაშელს და მის მეუღლეს, პარტია „ლელო საქართველოსთვის“ ერთ-ერთ ლიდერს, დავით უსუფაშვილს კორონავირუსი 19 თებერვალს დაუდასტურდათ.
