ექიმ ზურა გურულის განმარტებით, საკითხმა, თუ რა შემთხვევაში უნდა ჩაიწეროს კოვიდინფექცია გარდაცვალების მიზეზად, ჯანდაცვის სფეროს სპეციალისტებში აზრთა სხვადასხვაობა და განხეთქილება გამოიწვია. ამერიკაში მყოფი ექიმი, ამბობს, რომ საკითხის ირგვლივ მსჯელობა კიდევ მიმდინარეობს.
"ეს საკითხი განხეთქილების საგანი გახდა ამერიკის შეერთებულ შტატებშიც, თუ რა შემთხვევაში ჩაიწერება კოვიდი გარდაცვალების მიზეზად. მარტივია ამ კითხვაზე პასუხი, ეს ადამიანები ცხოვრობდნენ ამ თავიანთი ქრონიკული დაავადებებით, ცხოვრობდნენ მშვენივრად, მათ კომპენსირებული ჰქონდათ ეს დაავადება, იღებდნენ მედიკამენტებს, რომ არ ყოფილიყო კოვიდინფექცია, ისინი არ გარდაიცვლებოდნენ", - განაცხადა ზურა გურულმა გადაცემა "ღამის აქცენტებში".
ცნობისთვის, საქართველოში კორონავირუსით გამოწვეული გართულებების შედეგად 158 ადამიანია გარდაცვლილი.
