რაგბის კავშირის წევრი 31 კლუბი პრემიერმინისტრთან შეხვედრას და ანტიკრიზისული საბჭოს შექმნას მოითხოვს. სპორტსმენები ხელისუფლებისგან, ქმედით ნაბიჯებს ითხოვენ.
კლუბების წარმომადგენელთა თქმით, კლუბებისთვის დაფინანსება ბიუჯეტიდანაც გამოყოფილია და სპონსორებიც არსებობენ, თუმცა თანხები ბოლო 9 წლის განმავლობაში, სპორტის ამ სახეობის საჭიროებების მიხედვით არ იხარჯება. პრემიერთან მათი მთავარი მოთხოვნა, ანტიკრიზისული საბჭოს შექმნა და თანხების მიზნობრივად გამოყენების კონტროლია.
