დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, საქართველოში 300-მდე შემთხვევა დაფიქსირდა, როდესაც აცრის შემდეგ ადამიანი დაინფიცირდა.
მისივე თქმით, აღნიშნულ შემთხვევებს სპეციალისტები სწავლობენ.
როგორც ამირან გამყრელიძემ ჟურნალისტებისთვის გამართულ ვებინარზე განმარტა, ყველას, ვინც აცრის შემდეგ დაინფიცირდა, ვირუსი მსუბუქ ფორმებში აქვთ.
"დაახლოებით 300-მდე შემთხვევა გვაქვს, როდესაც პირველი აცრის შემდეგ ადამიანები დაინფიცირდენენ. ამ ვითარებას სწავლობენ. თითქმის ყველასთან, ინფექცია საკმაოდ მსუბუქად და ხშირად უსიმპტომოდ წავიდა",- განაცხადა გამყრელიძემ.
