დღეს ტესტირებაზე გამოცხადდა 82%-მდე მაგისტრობის კანდიდატი. დაიგვიანა ერთმა გამოსაცდელმა. დადასტურებული COVID-19-ის დიაგნოზის გამო კი, არ გამოცხადდა 130-ზე მეტი მონაწილე.
„დამატებითი სესიების ჩატარების თაობაზე ინფორმაცია ეტაპობრივად გამოქვეყნდება ცენტრის ვებ და ფეისბუკ გვერდებზე“, - აცხადებენ გამოცდების ეროვნულ ცენტრში.
ამ დროისთვის საქართველოში კორონავირუსის 416 338 შემთხვევაა დადასტურებული. მათ შორის გამოჯანმრთელდა 381 246, გარდაიცვალა 5 793 პაციენტი.