სენაკში, სოფელ გოლასკურში 7 კილომეტრიანი გზის რეაბილიტაცია მიმდინარეობს. გზის პრობლემა სოფელს წლების განმავლობაში აწუხებდა.
7,2 კილომეტრიანი საავტომობილო გზის რეაბილიტაციის პროექტს მუნიციპალური განვითარების ფონდი აფინანსებს. პროექტის ღირებულება 2 364 841 ლარს შეადგენს და 2020 წლის აპრილის ბოლოს დასრულდება.
მოეწყო გარე განათების ქსელი. გოლასკურის ცენტრში სოფლის მხარდაჭერის პროექტის ფარგლებში ეწყობა დასასვენებელი პარკიც.
სამუშაოები სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ, ადგილობრივი ხელისუფლების წარმომადგენლებთან ერთად, დაათვალიერა.
გვანცა ჭანტურია
ავტორი