ინფექციური პათოლოგიის და შიდსის ცენტრის ინფექციონისტი ალექსანდრე გოგინავა ფიქრობს, რომ ქვეყანაში რეგულაციები უნდა გამკაცრდეს.
მისივე თქმით, ვაქცინის სამი დოზა "ოიკრონით" ინფიცირების შემთხვევაში პაციენტს დაავადების მძიმე მიმდინარეობისგან იცავს.
"კვლევები აჩვენებს, რომ სრულფასოვანი ვაქცინაცია, ამ ეტაპზე იგულისხმება 3 დოზის გაკეთება, „ომიკრონის" შემთხვევაში ამცირებს დაავადების მძიმე მიმდინარეობას და ჰოსპიტალიზაციას, ამიტომ, უნდა გააქტიურდეს ვაქცინაციის პროცესი.
ჩვენ სწრაფად გაგვიუარესდა ეპიდსიტუაცია. ეს რომ არ აისახოს შემდეგ მძიმე პაციენტების მკვეთრ ზრდაზე და სიკვდილიანობაზე, რეგულაციები უნდა გამკაცრდეს“, - აღნიშნავს გოგინავა.
