3 ოქტომბერს დღის ბოლოდან 7 ოქტომბრამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, ნისლი, ქარის გაძლიერება.
დღეს, 4 ოქტომბერს ზღვაზე მოსალოდნელია 2-3 ბალიანი ღელვა. აღმოსავლეთ საქართველოს მაღალმთიან ზონაში ზოგან შესაძლებელია თოვლი.
გარემოს ეროვნული სააგენტოს ცნობით, მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა-გააქტიურება გამოიწვიოს.
8 ოქტომბრიდან საქართველოს თითქმის მთელ ტერიტორიაზე გამოიდარებს და შედარებით დათბება. აღმოსავლეთ საქართველოს ქალაქებში, მათ შორის დედაქალაქში 8-12 ოქტომბრამდე უნალექო ამინდია მოსალოდნელი. ტემპერატურა +20 გრადუსამდე გათბება.
რაც შეეხება დასავლეთ საქართველოს, 8 ოქტომბრიდან აქაც გამოიდარებს, ხოლო ჰაერის ტემპერატურა ზოგგან +27 გრადუსამდეც კი გათბება.
8 ოქტომბრიდან უნალექო ამინდს ელოდებიან მაღალ მთაშიც. საშუალო ტემპერატურა +9 გრადუსი იქნება.
