17 ოქტომბრამდე საქართველოში უმეტესად უნალექო ამინდია მოსალოდნელი.
გარემოს ეროვნული სააგენტოს პროგნოზით, ჰაერის ტემპერატურა დასავლეთ საქართველოს დაბლობ რაიონებში +23, +28 გრადუსის ფარგლებში იქნება.
აღმოსავლეთ საქართველოში 13 ოქტომბრიდან +22, +27 გრადუსამდე დათბება.
სინოპტიკოსების ცნობით, თბილისში უნალექო ამინდია მოსალოდნელი.
დედაქალაქში 13 ოქტომბრიდან ჰაერის ტემპერატურა +23, +25 გრადუსამდე მოიმატებს.