ამომრჩეველთა აქტივობა 10:00 საათის მონაცემებით, 8,33 პროცენტია, - ამის შესახებ ცენტრალურ საარჩევნო კომისიაში გამართულ ბრიფინგზე განაცხადეს.
ცესკოს პრესსპიკერის, ანა მიქელაძის თქმით, ამ დროისთვის ქვეყანაში არჩევნები მშვიდ ვითარებაში მიმდინარეობს.
,,10 საათის მდგომარეობით, ამომრჩეველთა აქტივობამ შეადგინა, 8,33 პროცენტი, რაც რაოდენობრივად არის 292 587 ამომრჩეველი", - განაცხადა ანა მიქელაძემ.
მისივე თქმით, ყველაზე მაღალი აქტივობა 11.8% რაჭა-ლეჩხუმსა და სვანეთში დაფიქსირდა , ხოლო ყველაზე დაბალი 7.3% აჭარაში.
საქართველოში მეათე მოწვევის პარლამენტის არჩევნები მიმდინარეობს.
