6 წლის ბავშვის ჯანმრთელობის მდგომარეობა, რომელსაც გუშინ გორში მანქანა დაეჯახა, სტაბილურია.
მცირეწლოვანი ჯერ გორის კლინიკაში, შემდეგ კი თბილისის ბავშვთა საავადმყოფოში გადაიყვანეს.
მკურნალი ექიმის ინფორმაციით, ბავშვს აღენიშნება ზედა და ქვედა კიდურების დაჟეჟილობა, დაზიანება თავის არეში და თერმული დამწვრობა ბეჭების მიდამოში.
შეგახსენებთ, რომ გორის მუნიციპალიტეტის სოფელ ხიდისთავში 6 წლის ბიჭს მანქანა დაეჯახა.
ფაქტზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო.
