თავში

რომელი წიგნის წაკითხვა ურჩია მეუფე ნიკოლოზმა ჟურნალისტებს

რომელი წიგნის წაკითხვა ურჩია მეუფე ნიკოლოზმა ჟურნალისტებს
რომელი წიგნის წაკითხვა ურჩია მეუფე ნიკოლოზმა ჟურნალისტებს

ახალქალაქისა და კუმურდოს მიტროპოლიტი, მეუფე ნიკოლოზი ჟურნალისტებს ურჩევს გერმანელი მწერლის, ნობელის პრემიის ლაურეატის ჰაინრიხ ბიოლის ნაწარმოები „კატარინა ბლუმის შელახული ღირსება" წაიკითხონ.

როგორც მეუფე აღნიშნავს, 5-6 ივლისს განვითარებულ მოვლენებზე პასუხისმგებლობა ყველამ უნდა გაინაწილოს, მათ შორის, მედიამ.

„რასაც თქვენ მე მეკითხებით, არ არის შეკითხვა, ეს არის რიტორიკული კითხვები. ყველა ჟურნალისტს მოვუწოდებ წაიკითხოს წიგნი, მსოფლიოში ერთ-ერთი უდიდესი მწერლის, ჰაინრიხ ბიოლის, ნობელის პრემიის ლაურეატის, რომელმაც თავის თავს რაც გადახდა ჟურნალისტებთან ურთიერთობაში აღწერა რომანში, რომელსაც ჰქვია „კატერინა ბლუმის შელახული ღირსება". როგორ მიიყვანა ჟურნალისტმა ადამიანი თვითმკვლელობამდე. ეს წიგნი წაკითხული გაქვთ? თუ არ გაქვთ წაკითხული სირცხვილი არაა. მე იმის თქმა მინდა, რომ ჩვენ ყველამ გავინაწილოთ პასუხისმგებლობა, დიდი ბოროტების, რაც მოხდა. ცალკე საკითხია, როდესაც სახელმწიფოს აიძულებ გამოიყვანოს შეიარაღებული ძალები იმისთვის, რომ გააკეთო ის, რაც არ უნდათ ადამიანებს, რომ გააკეთო. ეს არ არის აზრის გამოხატულება, როდესაც ადამიანების უმრავლესობას არ უნდა და დგახარ და საჯაროდ ისეთ რაღაცას აკეთებ და ამბობ, რაც მიუღებელია საზოგადოების უმრავლესობისთვის. ეს არის ძალადობა“, - აღნიშნა მეუფე ნიკოლოზმა.

ამასთან, მან კითხვით მიმართა ჟურნალისტებს, იღებენ თუ არა პასუხისმგებლობას იმ ძალადობაზე, რაც ადამიანებზე განახორციელეს. მისივე თქმით, ჟურნალისტის აღვირახსნილობა მიუღებელია.

„ჩვენ, ჩვენ წილ პასუხისმგებლობას ავიღებთ. თქვენ თქვენი წილი აიღეთ. დავსხდეთ და მოვილაპარაკოთ, ჟურნალისტი თავისუფალი უნდა იყოს თუ აღვირახსნილი. ჟურნალისტის აღვირახსნილობა მიუღებელია!

,,ტვ პირველის" და ,,ფორმულას" ჟურნალისტები გადახტნენ ბავშვთა სახლში და ბავშვებზე განახორციელეთ ძალადობა, თქვენ იღებთ ამაზე პასუხისმგებლობას, ვინმემ დაგსაჯათ, ვინმემ შენიშვნა მოგცათ?! ეს ძალადობები გროვდება და კი არ აბათილებს ერთმანეთს, იკრიბება და, საბოლოოდ, ხდება ის, რაც ხდება და, სამწუხაროდ, ადამიანის სიცოცხლე ემსხვერპლა. ღმერთმა ქნას, რომ ეს იყოს ბოლო შემთხვევა, მაგრამ, ფაქტია, ეს პირდაპირ, თუ ირიბად ადამიანის სიცოცხლე იმსხვერპლა" - ამბობს მეუფე იაკობი.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system