რესპუბლიკურ საავადმყოფოში კორონავირუსით ინფიცირების 3 ახალი შემთხვევა გამოვლინდა - ამის შესახებ ჟურნალისტებს კლინიკის დირექტორმა ლევან გოფოძემ განუცხადა. მისი თქმით, სამიდან 2 რუსთავის "კლასტერიდანაა".
,,ამჟამად რესპუბლიკურ საავადმყოფოში დაკვირვების ქვეშ იმყოფება 45 პაციენტი. მოგეხსენებათ, გუშინდელი ტესტირების შემდეგ 3 პაციენტს გამოუვლინდა COVID დადებითი. ესენი მოთავსებულები არიან იზოლირებულად და მიმდინარეობს მკურნალობა. უნდა აღვნიშნო, რომ არც ერთ მათგანს ეს დაავადება მძიმე ფორმით არ აქვს გამოვლენილი",- განაცხადა დირექტორმა ლევან გოფოძემ.
შეგახსენებთ, რომ რუსთავის საკრებულოს დეპუტატსა და მისი ოჯახის წევრს COVID-19-ი დაუდგინდათ.
ცნობისთვის, დღეს საქართველოში კორონავირუსის 14 ახალი შემთხვევა დადასტურდა და ინფიცირებულთა რაოდენობა 148-მდე გაიზარდა.
გარდა ამისა, დღეს stopcov-ზე განახლებული მონაცემების მიხედვით, კორონავირუსი ქვეყანაში კიდევ ერთმა ადამიანმა დაამარცხა და გამოჯანმრთელებულთა რაოდენობა 27-მდე გაიზარდა.
