რუსთავის საკრებულოს ერთ-ერთი დეპუტატის დედას COVID-19 დაუდასტურდა. თავად საკრებულოს წევრს ვირუსის სიმპტომები აქვს თუმცა კორონავირუსი ამ ეტაპზე არ დაუდგინდა.
ამ დროისთვის რუსთავის საკრებულოს 20-მდე დეპუტატი თვითიზოლაციაში იმყოფება. პარალელურად მიმდინარეობს კონტაქტების კვლევა, ვისთანაც საკრებულოს დეპუტატს და მის მშობლებს შეხება ჰქონდათ.
არსებული ინფორმაციით, საკრებულოს წევრის დედა ეროვნული ბანკის თანამშრომელია, რომელსაც კიდევ ექვს თანამშრომელთან ერთად COVID-19 დაუდგინდა.
