რუსთავში საინიციატივო ჯგუფ "გავიგუდეს" ორგანიზებით ჰაერის დაბინძურების თემატიკაზე ძეგლი გაიხსნა. ქალაქის ცენტრალურ პარკში ღონისძიება, ეპიდსიტუაციის გამო ნაკლებად ხალხმრავალ გარემოში ჩატარდა.
ადგილობრივი მედიის ცნობით, პრეზენტაციას მე-12 ოლქის "ქართული ოცნების" მაჟორიტარობის კანდიდატი ნინო ლაცაბიძე დაესწრო.
ორგანიზატორების თქმით, ინსტალაციამ მოქალაქეები რუსთავში ჰაერის დაბინძურების პრობლემებზე უნდა დააფიქროს და მალე გამარჯვების სიმბოლო გახდეს.
ქანდაკება ბიოლის ფონდის მხარდაჭერით დაიდგა.