რუსთავის ციხესთან ვერტმფრენი გამოჩნდა. სავარაუდოდ, მიხეილ სააკაშვილის ჰოსპიტალიზაცია იგეგმება.
მესამე პრეზიდენტის დედა ამბობს, რომ შვილთან შეხვედრას ორი საათიდან ცდილობდა, თუმცა, ამ დრომდე პასუხი არ მიუღია.
გიული ალასანიას თქმით, სააკაშვილი რუსთავის ციხეში აღარ არის.
"ორი საათიდან ვიცდით და პასუხი არ გვაქვს. ცოტახნის წინ გაიყვანეს ბრონირებული მანქანებით და მერე ვერტმფრენში ჩასვეს, როგორც ჩანს.
სადღაც გააქრეს...ფაქტია, რომ ჩემი შვილი აქ აღარ არის", - ამბობს გიული ალასანია.
შეგახსენებთ, საქართველოს მესამე პრეზიდენტი, პირველ ოქტომბერს დააკავეს.
მიხეილ სააკაშვილი 39 დღეა შიმშილობს.
