რუსთავში, 17 წლის გოგო მოპედით რკინის კონსტრუქციას შეეჯახა. არასრულწლოვანმა მძიმე დაზიანებები მიიღო. მას რუსთავის ცენტრალურ საავადმყოფოში გადაიყვანეს. ექიმების ინფორმაციით პაციენტს მარცხენა ბარძაყის მიდამოში ნაფლეთოვანი ჭრილობები აქვს მიღებული.
„ ჩაუტარდა ტრავმატოლოგის კონსულტაცია, ჭრილობის პირველადი ქირურგიული დამუშავება, ასევე ტკივილგამაყუჩებელი და ინფლუზიური თერაპია. ამ დროისთვის მას ტკივილები აღარ აქვს", - განაცხადა ექიმმა, ელისო დვალმა.
ამ დროისთვის პაციენტის ჯანმრთელობის მდგომარეობა სტაბილურია.
შემთხვევა რუსთავში, შარტავას ქუჩაზე მოხდა.
გვანცა ჭანტურია
ავტორი