დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის "ინდური შტამის" დადასტურებით, ამ ეტაპზე ქვეყანაში რეგულაციების გამკაცრება არ იგეგმება.
"ახალი შტამის გამოჩენასთან დაკავშირებით არამგონია, რეგულაციები გამკაცრდეს. ეს იქნება მსჯელობის საგანი საკოორდინაციო საბჭოზე, მაგრამ რეგულაციების გამკაცრებას ამ ეტაპზე ჩვენ არ ველოდებით" , - განაცხადა ამირან გამყრელიძემ.
ცნობისთვის, საქართველოში კორონავირუსის "ინდური შტამის" შემთხვევები დღეს, 27 მაისს დადასტურდა.
