საქართველოში კორონავირუსის 1 ახალი შემთხვევა დადასტურდა და ინფიცირებულთა რაოდენობა 810 - მდე გაიზარდა. ამის შესახებ მონაცემები ცოტა ხნის წინ განახლდა stopcov.ge-ზე.
ამავე ვებგვერდზე არსებული მონაცემების მიხედვით, ქვეყანაში გაიზარდა განკურნებულთა რაოდენობაც.
კორონავირუსი კიდევ 9 ადამიანმა დაამარცხა და გამოჯანმრთელებულთა რაოდენობა 683 გახდა.
ქვეყანაში კორონავირუსით 13 ადამიანია გარდაცვლილი.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
21 მარტს საქართველოში საგანგებო მდგომარეობა ამოქმედდა, 31 მარტიდან - საყოველთაო კარანტინის რეჟიმი.
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო.
21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
