საქართველოში კორონავირუსისგან გამოჯანმრთელებულთა რიცხვი გაიზარდა.
ქვეყანაში COVID-19 კიდევ შვიდმა პაციენტმა დაამარცხა. ამ დროის მონაცემებით, გამოჯანმრთელებულთა რიცხვი 768-ს შეადგენს. მონაცემები განკურნებულთა შესახებ stopcov.ge -ზე ცოტა ხნის წინ განახლდა.
რაც შეეხება ინფიცირებულებს, საქართველოში კორონავირუსის 3 ახალი შემთხვევა დადასტურდა და ინფიცირებულთა რაოდენობა 911 გახდა.
ქვეყანაში კორონავირუსით გარდაცვლილია 14 ადამიანი.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო.
21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
