"საქართველოს ბანკზე" თავდასხმაში ბრალდებულს ბრალი ოფიციალურად წარუდგინეს. მისი უფლებადამცველი ამბობს, რომ შალვა მელიქიშვილი დანაშაულს აღიარებს და ნანობს ჩადენილს.
ადვოკატი ლელა გარსევანიშვილი ამბობს, რომ დანაშაულის მოტივი მისი საბანკო ვალდებულებებია, რაც 52 ათას ლარს შეადგენს, რომლის გადახდის საშუალებაც არ ჰქონდა.
"ბანკში შეიჭრა და ფული მოითხოვა სწორედ არსებული დავალიანების მიზეზით. მელიქიშვილი ამბობს, რომ ჯერ დოლარი მოითხოვა და მისი განმარტებით, ჩათვალა საჭიროდ რომ ლარიც მოეთხოვა,"- განაცხადა ადვოკატმა.
