სამედიცინო საქმიანობის სახელმწიფო რეგულირების სააგენტოს დირექტორის ინფორმაციით, საქართველოში 6 ექიმს საექიმო საქმიანობის უფლება სამუდამოდ შეუჩერდა. ზაალ კაპანაძის თქმით რამდენიმე ექიმს საკითხი განხილული იქნა სამედიცინო რეგულირების პროფესიულ საბჭოზე. მათგან ნაწილს დროებით შეუჩერდა უფლებამოსილება. ექვს ექიმთან დაკავშირებით კი მიღებული იქნა გადაწყვეტილება სამედიცინო საქმიანობის შეჩერებასთან დაკავშირებით.
მისივე თქმით, 4 თვის განმავლობაში მთელი ქვეყნის მასშტაბით 500-ზე მეტი ამბულატორიული და სტაციონარული დაწესებულება შემოწმდა სალიცენზიო-სანებართვო პირობებთან და ტექნიკური რეგლამენტის დაცვასთან დაკავშირებით, 100-ზე მეტი კლინიკა დაჯარიმდა, 7-ის შემთხვევაში კი სისხლის სამართლის დანაშაულის ნიშნები გამოიკვეთა და საქმე შესასწავლად სამართალდამცავ უწყებას გადაეცა.
