საგანგებო სიტუაციების კოორდინაციისა და გადაუდებელი დახმარების ცენტრის ინფორმაციით, ახალი წლის დღეებში საქართველოს მასშტაბით კვებითი ინტოქსიკაციის 41 შემთხვევა დაფიქსირდა.
უწყების ცნობით, თბილისში დაფიქსირდა 12 შემთხვევა, მათგან ჰოსპიტალიზირებულია სამი პაციენტი. რეგიონებში ასეთი 29 ფაქტი გამოვლინდა, ჰოსპიტალიზირებულია 12 პაციენტი.
ასევე, ახალი წლის დღეებში ალკოჰოლით ინტოქსიკაციის 232 შემთხვევაა დაფიქსირებული. მათგან თბილისში 97, რომელთაგან ჰოსპიტალიზირებულია 20 პაციენტი. რეგიონში გამოვლენილია ინტოქსიკაციის 134 შემთხვევა, ჰოსპიტალიზირებულია 40 პაციენტი.
