საქართველოში მილიონი დოზა ვაქცინა ჩამოვიდა - ამის შესახებ საქართველოს პრემიერ-მინისტრმა ირაკლი ღარიბაშვილმა ბრიფინგზე განაცხადა.
მისივე თქმით, ქვეყანამ ჩინური ვაქცინების, "სინოფარმისა" და "სინოვაკის" დოზები მიიღო.
მთავრობის მეთაურის თქმით, ქვეყანაში მასობრივი ვაქცინაცია ორშაბათიდან, 5 ივლისიდან დაიწყება.
"დღეს ჩვენ ჩამოგვივიდა მილიონი დოზა ვაქცინა. ეს არის ავტორიზებული ჩინური ვაქცინები, "სინოფარმი" და სინოვაკი".
ჩვენ მზად ვართ, რომ ორშაბათიდან უკვე დავიწყოთ მასობრივი ვაქცინაციის პროცესი", - განაცხადა ღარიბაშვილმა.