თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, დღეისათვის ყველაზე მეტი 342 შემთხვევა აჭარაშია, თბილისში გუშინდელთან შედარებით შემცირდა და 277 შემთხვევა დაფიქსირდა, იმერეთში მოიმატა და 198 შემთხვევაა, სამეგრელო-ზემო სვანეთში 22 ახალი პაციენტი, გურიაში 11, შიდა ქართლში 12, ქვემო ქართლში 3, მცხეთა-მთიანეთში 10, კახეთში 7, სამცხე-ჯავახეთში 3, რაჭა-ლეჩხუმში და ქვემო სვანეთში 2 ახალი შემთხვევაა.
შეგახსენებთ, გასული დღე-ღამის განმავლობაში საქართველოში კორონავირუსის 887 ახალი შემთხვევა გამოვლინდა და ინფიცირებულთა რაოდენობა 15 327-მდე გაიზარდა.
246 პაციენტი გამოჯანმრთელდა და სულ, განკურნებულთა რაოდენობა 7 613-ს შეადგენს.
ბოლო დღე-ღამის განმავლობაში გარდაიცვალა 11 პაციენტი, სულ გარდაცვლილია 124 ადამიანი.