საქართველოში კორონავირუსის 25 შემთხვევა დაფიქსირდა გასული დღე-ღამის განმავლობაში. ქვეყანაში სულ 456 დადასტურებული შემთხვევაა.
ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გუშინდელი მაღალი მაჩვენებელი გამოიწვია აგრესიულმა კვლევამ, რომელიც ერთი დღის განმავლობაში ჩატარდა.
"ერთდროულად ჩატარებული იყო დიდი რაოდენობის კვლევა, სწორედ ამიტომ არის ასეთი მაღალი მაჩვენებელი, წინა დღეებთან შედარებით", - განაცხადა მარინა ეზუგბაიამ.
მათ შორის გამოჯანმრთელებულია 132. გარდაიცვალა - 5. კარანტინის რეჟიმში 4 949 პირი იმყოფება. ხოლო, სტაციონარში მეთვალყურებობის ქვეშ - 555.
