ბოლო 24 საათში საქართველოში კორონავირუსით 38 ადამიანი გარდაიცვალა. სულ, ვირუსით გამოწვეული გართულებების შედეგად ქვეყანაში გარდაცვლილია 1614 პაციენტი. ამის შესახებ ინფორმაცია StopCov.ge-ზე განთავსდა.
გასული დღე-ღამის განმავლობაში გამოვლინდა კორონავირუსის 4 734 შემთხვევა და ინფიცირებულთა რაოდენობა 174 383-მდე გაიზარდა.
გამოჯანმრთელდა 3 895 პაციენტი და საერთო რაოდენობა 145 287-ს შეადგენს.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო.
21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
