საქართველოში კორონავირუსით ინფიცირების მორიგი შემთხვევა დადასტურდა, შესაბამისად, ინფიცირებულთა რიცხვი 67-მდე გაიზარდა. ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე გამოქვეყნდა.
ამავე წყაროს ინფორმაციით, კარანტინის რეჟიმში ამ დროისთვის 4055 ადამიანი იმყოფება, სტაციონარში მეთვალყურეობის ქვეშ კი 252 პაციენტი რჩება.
შეგახსენებთ, საქართველოში კორონავირუსით დაავადების კიდევ 5 ახალი შემთხვევის შესახებ დღის პირველ ნახევარში გახდა ცნობილი. სულ, საქართველოში ახალი კორონავირუსით ინფიცირების 67 შემთხვევაა დადასტურებული. აქედან 9 უკვე გამოჯანმრთელდა. 8 პაციენტმა კლინიკა დატოვა. მეცხრე გამოჯანმრთელებული პაციენტი, სავარაუდოდ, საავადმყოფოს დღეს დატოვებს.
