საქართველოში კოვიდინფიცირებულთა რიცხვი კიდევ გაიზარდა. საღამოს მონაცემებით ვირუსი კიდევ 3 პირს დაუდასტურდა. ინფორმაცია stopcov.ge-ზე გავრცელდა. ამ დროის მონაცემებით ქვეყანაში COVID-19 642 პირს დაუდასტურდა. დილით ეს ციფრი 639-ს შეადგენდა.
რაც შეეხება გამოჯანმრთელებულთა რიცხვს, ის კვლავ 349-ს შეადგენს.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
21 მარტს საქართველოში საგანგებო მდგომარეობა ამოქმედდა, 31 მარტიდან - საყოველთაო კარანტინის რეჟიმი.
პანდემიად კორონავირუსი ჯანდაცვის მსოფლიო ორგანიზაციამ 2020 წლის 11 მარტს აღიარა.
ჩინეთში პნევმონიის აფეთქება 2019 წლის დეკემბერში დაიწყო.
21 იანვარს ჩინეთმა დაადასტურა, რომ კორონავირუსი გადამდებია და ქვეყნის ორ ქალაქში კარანტინი გამოაცხადა.
