საქართველოში კორონავირუსით ინფიცირებული ადამიანი გარდაიცვალა. ეს ეპიდემიის პირველი მსხვერპლია ქვეყანაში. გარდაცვლილი 79 წლის ქალია, რომელიც თბილისის პირველ საუნივერსიტეტო კლინიკაში იყო განთავსებული.
კლინიკაში აცხადებენ, რომ გარდაიცვალა კორონავირუსით ინფიცირებული 79 წლის ქალი. ის კლინიკაში 31 მარტს შეიყვანეს და თანმხლები დაავადებები ჰქონდა. კლინიკაში აცხადებენ, რომ პაციენტი მარნეული-ბოლნისის კლასტერს განეკუთვნებოდა.
