17 ოქტომბერს ვეტერანების დღე აღინიშნება. ამ დღესთან დაკავშირებით ქალაქის მასშტაბით რამდენიმე ღონისძიება იმართება, მათ შორის ვეტერანთა ნახატების გამოფენა თბილისი მოლში და შეხვედრა, რომელზეც სიტყვით ვეტერანების საქმეთა სამსახურის ხელმძღვანელი გამოვიდა.
მისი თქმით, სახელმწიფომ ვეტერანებისთვის 15 000 ლარიანი ჯანმრთელობის სადაზღვევო პაკეტი შეიმუშავა.
"დღეს სახელმწიფომ აიღო თავის თავზე ვეტერანებზე ზრუნვა., დღეს აღარ არის საუბარი იმაზე, რომ ვეტერანები, ისევე როგორც საქართველოს სხვა მოქალაქეები, დაუცველად გრძნობდნენ თავს ელემენტარული, ჯანმრთელობის დაცვის მიმართულებით. დღეს ვეტერანების მიმართ სახელმწიფომ გამოხატა თავისი თანადგომა, 15 000 ლარიანი თანადაფინანსებით. მე მადლობა მინდა ვუთხრა ვეტერანების სახელით ყველა მუნიციპალიტეტს და მერიებს, ყველა სახელმწიფო სტრუქტურის წარმომადგენლებს, რამეთუ მათთან ერთად ურთიერთობაში და თანამონაწილეობაში, სახელმწიფო დაზღვევის 15 000-იანი პაკეტი გაცილებით უფრო ეფექტური ხდება ვეტერანების ჯანმრთელობის ზრუნვისთვის", - განაცხადა კობა კობალაძემ.
