თბილისი-სენაკი-ლესელიძის საავტომობილო მაგისტრალის გორის მონაკვეთზე ავტოსაგზაო შემთხვევა მოხდა. ტრაილერისა და სამგზავრო მიკროავტობუსის შეჯახებას მსხვერპლი მოჰყვა.
ავარიის შედეგად დაიღუპა 5 და დაშავდა 11 ადამიანი.
ადგილზე მობილიზებულია საპატრულო პოლიციისა და სამედიცინო დახმარების ჯგუფები. დაშავებულები საავადმყოფოში გადაიყვანეს.
წინასწარი ინფორმაციით, მიკროავტობუსი დასავლეთის მიმართულებით მოძრაობდა.
როგორც Report.ge-ს შინაგან საქმეთა სამინისტროში განუცხადეს, მომხდარზე გამოძიება 276-ე მუხლის მე-8 ნაწილით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
