თავში

შეიქნება მობილური ჯგუფები, რომლებიც კოვიდკლინიკებში იმუშავებენ

შეიქნება მობილური ჯგუფები, რომლებიც კოვიდკლინიკებში იმუშავებენ
შეიქნება მობილური ჯგუფები, რომლებიც კოვიდკლინიკებში იმუშავებენ

ჯანდაცვის სამინისტროს ინიციატივით, მობილური ჯგუფები შეიქმნება, რომლის დანიშნულებაც ქვეყანაში არსებულ კოვიდკლინიკებთან მყისიერი კომუნიკაციის დამყარება იქნება, - ამის შესახებ ინფექციური საავადმყოფოს გენერალურმა დირექტორმა თენგიზ ცერცვაძემ განაცხადა.

ცერცვაძის თქმით, აღნიშნული ჯგუფების შემადგენლობაში თითო რეანიმატოლოგი, თითო ინფექციონისტი და თითო ადმინისტრატორი იქნება.

"ჯანდაცვის სამინისტროს ინიციატივით იქმნება მობილური ჯგუფები, რომლის შემადგენლობაში 1 რეანიმატოლოგი, 1 ინფექციონისტი და 1 ადმინისტრატორი იქნება. მათი ძირითადი დანიშნულება იქნება მყისიერი და ოპერატიული კომუნიკაციის განხორციელება ყველა კოვიდკლინიკასთან. პირველ რიგში, ეს იქნება თბილისისა და ბათუმის კოვიდკლინიკებთან, რადგან ესენი ქვეყანაში ყველაზე ცხელი წერტილებია", - განაცხადა ცერცვაძემ. 

მისივე თქმით, მობილური ჯგუფების მიზანი კოვიდკლინიკებში სიტუაციის გაცნობა და რამდენიმე დღეში სუსტი და ძლიერი მხარეების შესახებ დასკვნების მომზადება იქნება.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system