შინაგან საქმეთა სამინისტროს საპატრულო პოლიციის დეპარტამენტის დირექტორის განცხადებით, გლდანში სროლის ხმას ამ ეტაპზე ვერ ადასტურებენ.
ვაჟა სირაძის თქმით, დაკავებულია ინციდენტში მონაწილე 5 პიროვნება.
"ადგილზე მოხდა ინციდენტი, მხარეებს შორის იყო დაპირისპირება. დავაკავეთ 5 პიროვნება, პოლიციისადმი დაუმორჩილებლობისა და წვრილმანი ხულიგნობისათვის. რაც შეეხება სროლის ფაქტს, ამ ეტაპისათვის ვერ დაგიდასტურებთ ამას, ვერკვევით სიტუაციაში. უბანზე იარაღით ყოფნის ფაქტის დადასტურების შემთხვევაში, აუცილებლად მოვახდენთ რეაგირებას," - განაცხადა ვაჟა სირაძემ.
ცნობისთვის, გლდანში, 179-ე უბანთან საარჩევნო უბანთან ამომრჩევლები ერთმანეთს დაუპირისპირდნენ. თვითმხილველთა თქმით, გაიგეს გასროლის ხმაც.
