განათლების სამინისტროს ინფორმაციით 4 ოქტომბერს სკოლის შენობებში სწავლის დასაწყებად საქართველოს საჯარო და კერძო სკოლები მზად არის. სამინისტროში აცხადებენ, რომ სკოლებში ზედმიწევნით იქნება დაცული ჯანდაცვის სამინისტროს მიერ შემუშავებული რეკომენდაციები, რაც ვირუსის თავიდან აცილებას უზრუნველყოფს.
სკოლები აღიჭურვა ჰიგიენური საშუალებებით. დაწესებულებები უზრუნველყოფილია შესაბამისი სადეზინფექციო ხსნარებით, პირბადებით, თერმოსკრინინგის აპარატებითა და დეზობარიერებით.
ვირუსის პრევენციისთვის საჭირო რესურსების მარაგი სკოლებისთვის მთელი სასწავლო წლისათვის არის მობილიზებული.
