სტომატოლოგიური დახმარების გაწევამდე ადგილზე ჩატარდეს კორონავირუსის ანტიგენზე დამყარებული სწრაფი ტესტი, - აღნიშნული რეკომენდაციის შესახებ საქართველოს კლინიკების ასოციაციის მიერ გავრცელებულ განცხადებაშია ნათქვამი.
მათივე ცნობით, ეს ღონისძიება პანდემიის პირობებში სტომატოლოგიური კლინიკების უსაფრთხო საქმიანობისთვის არის აუცილებელი.
"სტომატოლოგიური კლინიკების უსაფრთხო საქმიანობისთვის რეკომენდებულია ყველა პაციენტს სტომატოლოგიური დახმარების გაწევამდე ადგილზე ჩაუტარდეს კორონავირუსის ანტიგენზე დამყარებული სწრაფი ტესტი, რომლის შემთხვევაშიც პასუხი ცნობილია 10-15 წუთში,"- აღნიშნულია საქართველოს კლინიკების ასოციაციის განცხადებაში.
