სახელმწიფო უსაფრთხოების სამსახურის თანამშრომელს კორონავირუსი დაუდასტურდა, - ამის შესახებ ინფორმაცია report.ge-ს სუს-ში დაუდასტურეს.
მათივე ცნობით, ამ დროისათვის, უწყების 38 თანამშრომელი კარანტინშია გადაყვანილი.
,,კორონავირუსი დაუდასტურდა ერთ თანამშრომელს, მიმდინარეობს კონტაქტების კვლევა. ტესტირება ჩაუტარდა ყველას, ვინც შემხებლობაში იყო ინფიცირებულთან. შენობაში სადეზინფექციო სამუშაოები ჩატარებულია", - აცხადებენ სუს-ში.
ცნობისთვის, საქართველოში, ბოლო 24 საათის განმავლობაში, კორონავირუსის 23 ახალი შემთხვევა გამოვლინდა და ინფიცირებულთა რაოდენობა 1510 გახდა.
გამოჯანმრთელებულების რაოდენობა 13-ით გაიზარდა და 1253-ს შეადგენს.
უცხოეთიდან სამკურნალოდ გადმოყვანილია საქართველოს 41 მოქალაქე.
კორონავირუსით ქვეყანაში 19 პაციენტი გარდაიცვალა.