COVID -19 -თან დაკავშირებით სეზონურობის თეორია თუ გამართლდა, ვირუსის მეორე ტალღა შესაძლოა შემოდგომაზე იყოს,- ამის შესახებ განცხადება ჯანდაცვის მინისტრის მოადგილემ თამარ გაბუნიამ გააკეთა. მისი თქმით ჯანდაცვის უწყება ემზადება იმისთვის, რომ ჯანდაცვის სისტემაში კრიზისული პერიოდი არ დადგეს.
"ოქტომბერი, ნოემბერი უფრო უნდა იყოს ის პერიოდი, როდესაც მეორე ტალღა მოსალოდნელია, თუ ამას დავუკავშირებთ სეზონურობის თეორიას. ვცდილობთ მოვემზადოთ იმისთვის, რომ კრიზისული მომენტი ჯანდაცვის სისტემაში არ დადგეს და ეპიდემიის ესკალაცია არ მივიღოთ. რა თქმა უნდა მთავარი სამიზნე ისევ იქნება, რომ შევინარჩუნოთ ეპიდემიის დაბალი გავრცელება მდგომარეობა, რომელიც დღეს გვაქვს", - განაცხადა თამარ გაბუნიამ.
