უფლებადამცველი და ორგანიზაცია "საფარის" დამფუძნებელი ბაია პატარაია "მოქალაქეების" ლიდერის, ალეკო ელისაშვილის განცხადებას ეხმაურება, რომელსაც ჩოგბურთელ ნიკოლოზ ბასილაშვილის ბრალეულობსი არ სჯერა.
"ერმა ბევრი იფიქრა თუ ცოტა, გადაწყვიტა, რომ ლამაზი, მდიდარი და წარმატებული კაცი ვერ იქნება მოძალადე და იქვე დაასკვნა, რომ ლამაზი, მდიდარი და წარმატებული ქალიც ვერ იქნება მსხვრპლი.
ტაში, ქალებოოო, ელისაშვილი ცეკვავს!" - წერს პატარაია სოციალურ ქსელში.
"მოქალაქეების" ლიდერი ალეკო ელისაშვილი ნიკოლოზ ბასილაშვილს მადლობას უხდის. ამასთან, ელისაშვილი ამბობს, რომ ბასილაშვილის მიმართ წაყენებული ბრალდების არ სჯერა.
"ვერაფრით დავიჯერებ ამ კაცის მოძალადეობას, არც ჩანს, რომ ეს კაცი მოძალადეა" - თქვა ელისაშვილმა.
