გლოვის დღესთან დაკავშირებით, ისევე როგორც ქვეყნის მთელ ტერიტორიაზე, საქართველოს თავდაცვის სამინისტროს ადმინისტრაციულ შენობებსა და ყველა სამხედრო ბაზაზე სახელმწიფო დროშები დაეშვა. ამის შესახებ ინფორმაციას თავდაცვის სამინისტრო ავრცელებს.
საქართველოს პრემიერ-მინისტრისა და მთავრობის განკარგულებით, ოკუპირებული აფხაზეთის ტერიტორიაზე მცხოვრები, ტრაგიკულად დაღუპული მოქალაქეების ხსოვნის პატივსაცემად, 10 აპრილი საქართველოში გლოვის დღედ გამოცხადდა.
საქართველოს ტერიტორიაზე სახელმწიფო დროშები დაშვებული 2021 წლის 10 აპრილის 00:00 საათიდან, 11 აპრილის 00:00 საათამდე იქნება.
