ახალქალაქის, კუმურდოს და კარის მიტროპოლიტი ნიკოლოზ ფაჩუაშვილი აცხადებს, რომ იმ შემთხვევაში, თუ მას ახალ ავტომობილს გადასცემს ვინმე, უარს არ იტყვის, რადგან მისი ავტომობილი ძველია და გადაადგილება უჭირს.
,,თავმდაბალი ადამიანი ვარ და არ ვიტყვი უარს ამაზეც, მართლა ძალიან მძიმე მდგომარეობა მაქვს. 2006 წლის მანქანაა ჩემი და გაცვეთილია, იმიტომ რომ ისეთ ადგილზე ვცხოვრობ და ისეთი დატვირთვა აქვს ამ მანქანას, ყოველ შაბათ-კვირას ჩამოვდივარ ახალქალაქიდან თბილისში, იმ დანგრეულ გზებზე, უკვე რამდენიმე წელია, იმიტომ რომ პატრიარქთან ერთად ვიყო წირვაზე", - განაცხადა მეუფე ნიკოლოზმა ,,რუსთავი 2-ის" ეთერში.
