თბილისში, ავტოსაგზაო შემთხვევა მოხდა.
ფანასკერტელის ქუჩაზე, ავტომობილი გზის სავალი ნაწილიდან გადავიდა და სკვერში შევარდა, რის შემდეგაც ახალგაზრდა ქალს დაეჯახა.
დაშავებული გადაყვანილია საავადმყოფოში. ადგილზე მობილიზებულია პოლიცია.
როგორც Report.ge-ის შინაგან საქმეთა სამინისტროში განუცხადეს, მომხდარზე გამოძიება სსკ-ის 276-ე მუხლის მეორე ნაწილით დაიწყო, რაც გულისხმობს ტრანსპორტის მოძრაობის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
