თბილისში, აღმაშენებლის ხეივანში, რამდენიმე წუთის წინ მომხდარ ავტოსაგზაო შემთხვევას 40 წლამდე მამაკაცის სიცოცხლე ემსხვერპლა.
მერსედესის მარკის ავტომობილი ქვეითად მოსიარულეს დაეჯახა. მომხდარიდან რამდენიმე წუთში ადგილზე მივიდა სასწრაფო დახმარების ბრიგადა, თუმცა, ექიმებმა მამაკაცის გადარჩენა ვერ მოახერხეს.
როგორც report.ge-ის შინაგან საქმეთა სამინისტროდან აცნობეს, გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
დანაშაული ისჯება თავისუფლების აღკვეთით ვადით ოთხიდან შვიდ წლამდე.
თამთა კაპანაძე
ავტორი