თბილისში აზერბაიჯანის პირველი რესპუბლიკის დღე აღნიშნეს. საქართველოში აზერბაიჯანის ელჩმა, დურსუნ ჰასანოვმა, SOCAR Energy Georgia- ს გენერალურმა დირექტორმა, მაჰირ მამედოვმა და საქართველოში აზერბაიჯანის საელჩოს სხვა თანამშრომლებმა პირველი რესპუბლიკის 102 წლისთავის აღსანიშნად ყვავილებით შეამკეს აზერბაიჯანის ეროვნული ლიდერის, ჰეიდარ ალიევის ბიუსტი.
მათ, ასევე, პატივი მიაგეს აზერბაიჯანელი საზოგადო მოღვაწეების ჰასან ბეი აღაევისა და ფათალი ხან ხოისკის ხსოვნას და ყვავილებით შეამკეს მათი საფლავები.
დღესვე, აზერბაიჯანის რესპუბლიკის შექმნის 102 წლის ღონისძიებების ფარგლებში, აზერბაიჯანის დროშის ფერებში განათდება თბილისის მშვიდობის ხიდი.
1918 წლის 28 მაისს აზერბაიჯანის დემოკრატიული რესპუბლიკის ეროვნულმა საბჭომ ქვეყნის დამოუკიდებლობა გამოაცხადა.
ეს იყო პირველი სეკულარული დემოკრატიული რესპუბლიკა მუსლიმურ აღმოსავლეთში.
დამოუკიდებლობის დეკლარაციას ხელი თბილისში მოეწერა. დოკუმენტის თანახმად, აზერბაიჯანი მეზობელ ქვეყნებთან და ხალხებთან მეგობრულ ურთიერთობებს ატარებდა, აზერბაიჯანულმა დემოკრატიულმა რესპუბლიკამ თანაბარი უფლებებით უზრუნველყო ყველა - განურჩევლად ეროვნული კუთვნილებისა, რელიგიისა, კლასისა და გენდერისა.
აზერბაიჯანი დემოკრატიული რესპუბლიკის დაფუძნებელი მამედ ემინ რასულზადე იყო.
1990 წელს 28 მაისი რესპუბლიკის დღედ გამოცხადდა.
1991 წელს, საბჭოთა კავშირის დაშლის შემდეგ, აზერბაიჯანმა დამოუკიდებლობა კვლავ გამოაცხადა.
