თბილისში, საბურთალოს ტერიტორიაზე მიტოვებული ჩვილი იპოვეს.
არსებული ინფორმაციით, ერთ თვემდე ასაკის ბიჭი კალათში იყო მოთავსებული, სადაც ასევე იდო ბავშვის საფენები და დედის წერილიც. არსებული ინფორმაციით, ქალი წერს, რომ შვილის გაზრდის საშუალება არ აქვს.
როგორც report.ge-ს შინაგან საქმეთა სამინისტროში განუცხადეს, საქმეზე გამოძიება სისხლის სამართლის კოდექსის 127-ე მუხლით დაიწყო, რაც ითვალისწინებს სიცოცხლისათვის საშიშ მდგომარეობაში ჩაყენებას.
უწყების ინფორმაციით, ჩვილი კლინიკაშია გადაყვანილი და მის სიცოცხლეს საფრთხე არ ემუქრება.
შორენა სურმანიძე
ავტორი