თელავის ერთ-ერთი სალონიდან ქალი გამოაძევეს. როგორც report.ge-ს კორესპონდენტი ადგილიდან იუწყება, ქალი სალონში თმის შესაჭრელად მივიდა, სადაც საუბრისას ახსენა, რომ იტალიაში იმყოფებოდა და საქართველოში 1 მარტს დაბრუნდა. სალონის თანამშრომლებმა ფაქტი ჯანდაცვის სამინისტროს ცხელ ხაზს შეატყობინეს, რის შემდეგაც მას სალონი იძულებით დაატოვებინეს. ქალს საზოგადოებრივი ჯანდაცვის წარმომადგენლებმა გაფრთხილება უკვე მისცეს. იმ შემთხვევაში თუ თვითიზოლაციის რეჟიმს კიდევ ერთხელ დაარღვევს, მას კარანტინში გადაიყვანენ.
