ტყიბულისა და ჭიათურის მაღაროებში გასული 4 წლის განმავლობაში, სამუშაოს შესრულებისას 20 ადამიანი დაიღუპა, 22 დაშავდა. ამის შესახებ report.ge-ს საქართველოს პროფესიულ გაერთიანებაში განუცხადეს.
პროფესიულ გაერთიანებაში აცხადებენ, რომ დამსაქმებლები ხშირად შრომის უსაფრთოების ნორმებს არ იცავენ, რის გამოც ფატალური შედეგების რაოდენობა ყოველწლიურად იზრდება.
2018 წელს საწარმოო შემთხვევების შედეგად 199 ადამიანი დაშავდა, 59 დაიღუპა. 2011 წლიდან 2018 წლის ჩათვლით, ანუ 8 წლის განმავლობაში, საწარმოო შემთხვევების შედეგად 1081 ადამიანი დაშავდა და 376 დაიღუპა.
გვანცა ჭანტურია
ავტორი