რუსთავში ავარიას არასრულწლოვანი ემსხვერპლა. ავტოსაგზაო შემთხვევა XIX მიკრორაიონის მიმდებარედ, მინდორში მოხდა.
"ოპელი-ს" მარკის ავტომობილს 19 წლის გოგო მართავდა, სავარაუდოდ მან საჭე ვერ დაიმორჩილა და მანქანა გადატრიალდა.
ავარიის შედეგად ადგილზე გარდაიცვალა 15 წლის ბიჭი, ხოლო 3 დაშავებული კლინიკაში გადაიყვანეს.
ავტოსაგზაო შემთხვევის ადგილზე მობილიზებული იყო სასწრაფო სამედიცინო დახმარებისა და საპატრულო პოლიციის ეკიპაჟები.
მომხდარზე დაწყებულია გამოძიება.
წყარო: "ინფორუსთავი"
