9 წლის ბავშვი, რომელსაც ავტომანქანა საკუთარ სახლთან დაეჯახა, გარდაიცვალა. დაშავებულ გოგონას 2 სასწრაფო ოპერაცია ჩაუტარდა, თუმცა, მისი გადარჩენა ვერ მოხერხდა.
უბედური შემთხვევა ზუგდიდის სოფელ ტყაიაში მოხდა.
როგორც ცნობილი ხდება, ბავშვს დედა დაეჯახა. შემთხვევა იმ დროს მოხდა, როცა ავტომობილი ეზოში შეჰყავდა.
გარდაცვლილის დედა ქუთაისის საავადმყოფოში შოკურ მდგომარეობაში იმყოფება.
შსს-ს ინფორმაციით, საქმეზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
